Liburnija Regionalni liburnijski portal
Ovega leta mića smotra zvončari održala se na Zvonećoj, va subotu 15.02. na podne. Mića smotra se održava va onemu selu ko ima ključ to leto.
Kreće se od pilane, gre se prema crikvi, prema Sušnjon i pol zadnje kuće na Zvonećoj se skrene desno i gre se po šumi oko 300 metar, gre se prema školi i na kraju va šator. Se skupa se delaju četira kruga i zadnji krug dela se pred šatoron prvo nego ča se gre nutri. Se grupe su imile i muzikante, bilo je tu i mićih maškar z vrtići.
Prijavljeno je bilo dvanajst grup. Okupilo se puno ljudi ki su prišli podržat miće zvončare na kimi i ostaje ta tradicija, ku će i oni sami jenega dana prenest na mlaje.
Va šatoru za dobru zabavu pobrinuli su se Kokonić i Ljubić.
