Predstavljanje zadnjega dela predstave ‘Bjutiful Merika’

Popularna “Kozja trilogija” prišla je i do zadnjega dela. Nakon “V Rukavac ni po kozu” i “Koze diši prč”, dramska sekcija udruge “Domoljub 1909” parićala je novu komediju življenja od pred pedeset let va našemu kraju, “Bjutiful Merika”.

Pozivamo sih da pridete čtrtak na 9 ur večer na Crekvinu va Kastvu pogledat ča su van ovaj put Mimica, Lojza, Vicenca, Terezica, Fana, Ninica i Miho parićali. Jeno je sigurno, smiha neće falit.